MITEM PHYSISCHE TICKET A MATCH

O i dere Spiuzyt rüefe mir aui YB-Fans drzue uf, ihri Tickets für d’Europa-Kampagne 24/25 i physischer Form z’bezieh.

Vom morgige Friti, 9. Ouguscht, bis am Mittwuch, 14. Ouguscht, isches für aui YB-Fans mitemne loufende Abo müglech, ihres physische Ticket für gäge Galatasaray uf dr YB-Gschäftssteu abzhole. Wichtig isch drbi: Bir Abholig muess ds güutige Saisonabo vorgwise wärde. Usserdäm isch z’betone, dass ke Ufpris muess zaut wärde.

Faus öpper für di ganzi Fründesgruppe d’Tickets möcht ga abhole, isch ds mitm Vorwise vo de jewilige (analoge) Identitätscharte äbefaus müglech.

Organisieretnech u bruchet das Agebot! Zum Abschluss: Es isch säubschterklärend, dass kes Ticket für kommerzielli Zwäck wyterverchouft wird!

MIR HEI E VEREIN – MIR HEI ES PHYSISCHS TICKET